تازہ خبر یہ ہے کہ ۔۔۔
عظیم تر حیدرآباد مجلس بلدیہ (جی ایچ ایم سی) میں 27 نئے وارڈس کی شمولیت کے بعد اب وارڈوں کی جملہ تعداد 177 ہو گئی ہے۔ مجلس بلدیہ عظیم تر حیدرآباد میں پہلے جملہ وارڈوں کی تعداد پہلے 150 تھی۔ جس کی مکمل فہرست اردو اور انگریزی میں راقم الحروف کے ایک بلاگ پر موجود ہے (بلاگ کا لنک پہلے کمنٹ میں)۔
یعنی کہ بلدیہ حیدرآباد کا رقبہ موجودہ 650 مربع کلومیٹر سے تقریباً دو ہزار مربع کلومیٹر ہو جائے گا۔
ریاستی کانگریس حکومت نے توسیع شدہ بلدیہ حیدرآباد میں بجلی، فون اور فائبر نیٹ ورکس کے کیبلز کو زیرزمین منتقل کرنے کے لیے تقریباً 15 ہزار کروڑ روپے کے منصوبے کو بھی منظوری دے دی ہے۔
سرکاری و دیگر سماجی ذرائع کے مطابق امکانات ظاہر کیے جا رہے ہیں کہ پچھڑے ہوئے دور دراز وارڈوں کی شمولیت کے بعد: ایک ہی شہری ادارے کے تحت ٹھوس منصوبہ بندی، بہتر سڑکوں، صفائی ستھرائی، صاف پانی کی فراہمی اور دیگر سہولیات، عوامی افادیت کا باعث بن سکتی ہیں۔
مجلس بلدیہ عظیم تر حیدرآباد کے تحت جملہ 6 زون موجود ہیں:
چارمینار، ایل۔بی نگر، سری لنگم پلی، کوکٹ پلی، سکندرآباد اور خیریت آباد۔
ان چھ زونوں میں 30 سرکل موجود ہیں، جس کی فہرست ہے:
کاپرا، اپّل، حیات نگر، ایل بی نگر، سرورنگر، ملک پیٹ، سنتوش نگر، چندرائن گٹہ، چارمینار، فلک نما، راجندر نگر، مہدی پٹنم، کارواں، گوشہ محل، مشیر آباد، عنبر پیٹ، خیریت آباد، جوبلی ہلز، یوسف گوڑہ، سری لنگم پلی، چندا نگر، رام چندر پورم (پٹن چیرو)، موسیٰ پیٹ، کوکٹ پلی، قطب اللہ پور، گجولارمارم، الوال، ملکاجگیری، سکندرآباد اور بیگم پیٹ۔
متذکرہ تیس سرکل میں جملہ 150 وارڈس ہیں، جن کی تفصیل یہاں ملاحظہ کی جا سکتی ہے:
عظیم تر حیدرآباد بلدیہ کے 150 وارڈوں کی فہرست
واضح رہے کہ، مجلس بلدیہ عظیم تر حیدرآباد کے 150 وارڈس میں "قدیم شہر (پرانا شہر حیدرآباد)" خود بھی شامل ہے۔ قدیم شہر حیدرآباد جملہ 50 وارڈس پر مشتمل ہے۔
| عظیم تر حیدرآباد بلدیہ : نئے وارڈوں کی فہرست | |||
|---|---|---|---|
| وارڈ نمبر | وارڈ کا نام | Ward Name | |
| 1 | ادی بٹلہ | Adibatla | |
| 2 | امین پور | Ammenpur | |
| 3 | بدنگاپیٹ | Badangpet | |
| 4 | بنڈلہ گوڑہ جاگیر | Bandlaguda Jagir | |
| 5 | بوڑ اُپّل | Boduppal | |
| 6 | بولارام | Bollaram | |
| 7 | دمائی گوڑہ | Dammaiguda | |
| 8 | دنڈیگل | Dundigal | |
| 9 | گھٹکیسر | Ghatkesar | |
| 10 | گنڈلہ پوچم پلی | Gundlapochampally | |
| 11 | جل پلی | Jalpally | |
| 12 | جواہر نگر | Jawaharnagar | |
| 13 | کوم پلی | Kompally | |
| 14 | منی کونڈہ | Manikonda | |
| 15 | میڑچل | Medchal | |
| 16 | مِیرپیٹ | Meerpet | |
| 17 | ناگارام | Nagaram | |
| 18 | نرسنگی | Narsingi | |
| 19 | نظام پیٹ | Nizampet | |
| 20 | پدّا عنبرپیٹ | Pedda Amberpet | |
| 21 | پیرزادی گوڑہ | Peerzadiguda | |
| 22 | پوچارام | Pocharam | |
| 23 | شمس آباد | Shamshabad | |
| 24 | تیلاپور | Tellapur | |
| 25 | تھکوگوڑہ | Thukuguda | |
| 26 | تھم کنٹہ | Thumkunta | |
| 27 | ترکایمجل | Turkayamjal | |
*****
تحقیق مع کمپوزنگ اور امیج ایڈیٹنگ از: مکرم نیاز (حیدرآباد)۔
یکم/دسمبر/2025ء
ایک غیر مقیم حیدرآبادی (دکنی) کا ڈیجیٹل منظرنامہ : تبصرے / تاثرات / خیالات / نظریات۔۔۔
کوئی تبصرے نہیں:
ایک تبصرہ شائع کریں