نیا سال (2010) آیا ہے - Hyderabad Urdu Blog | Hyderabadi | Hyderabad Deccan | History Society Culture & Urdu Literature

Comments system

[blogger][disqus][facebook]

2010/01/01

نیا سال (2010) آیا ہے




نیا سال آیا ہے
ویران صبحوں کی نیلی تہو ں سے اُبھرتا
خیابان دشت وجبل کی ٹھٹرتی خموشی میں برفیلی سیٹی بجاتا
دبے پاؤں آیا
یخ آلود شاموں کی خاموشیاں
اس کے قدموں کی آہٹ سمیٹے
گزر گاہوں پر، سائبانوں میں نوحہ کناں ہیں
در آتی ہے شب کو دریچوں کی درزوں سے
پر جوش جھونکوں کی بے مہر ٹھنڈک
برودت زدہ پانیوں پر، پرندے
کناروں پہ استادہ پیڑوں کی نمناک شاخوں کی جانب اڑے جا رہے ہیں
مکین آنگنوں میں، چھتوں پر
دھڑکتے دلوں میں ہزاروں خیالوں کی شمعیں جلائے
دبے پاؤں آتے ہوئے سال کو دیکھتے ہیں

- منیر نیازی

2 تبصرے:

  1. آپ کیلئے اور آپ کے اہلِ خانہ کیلئے یح سال اور اگلے سال مبارک ہوں

    آپ کی مدد درکار ہے

    ایک صاحب جو آپ کے ہموطن ہیں اُن کے پاس نوکیا 50 اِی موبائل فون سیٹ ہے ۔ اس میں وہ اُردو نہیں لکھ پاتے ۔ ان کے شہر میں ہندی تو مل رہی ہے اُردو نہیں مل رہی ۔ آپ اُن کی مدد کیجئے کہ وہ اپنے موبائل سیٹ میں اردو نصب کر سکیں ۔ مزید آپ اُن سے ای میل لکھ کر پوچھ سکتے ہیں نام پتہ یہ ہے
    محمد سعيد البالنبوري
    Saeed_md92@yahoo.com

    جواب دیںحذف کریں
  2. یا آپ طریقہ مجھے بذریعہ ای میل بھیج ديں تو میں اُنہیں مطلع کر دوں گا یا میرے بلاگ پر تبصرہ میں لکھ دیں تو وہاں سے وہ خود ہی پڑھ لیں گے

    جواب دیںحذف کریں