کلام ابن صفی :: متاع قلب و نظر

ابن صفی مرحوم
نے جاسوسی ناول لکھنے سے قبل ، اسرار ناروی کے نام سے شاعری بھی کی تھی اور ان کی شاعری اس قدر متاثر کن تھی کہ بقول خود ان کے ، ان کے ایک بزرگ استاد ، ابن صفی کے جاسوسی ناول نویس بننے پر سدا ان سے ناراض رہے۔

ابن صفی کے کلام کا ایک دلفریب انتخاب ، ہم نے ایک فورم پر شروع کر رکھا ہے ، چند عمدہ غزلوں کے روابط یہاں ملاحظہ فرمائیں ‫:

جو کہہ گئے وہی ٹھہرا ہمارا فن اسرار
جو کہہ نہ پائے ، نہ جانے وہ چیز کیا ہوتی
===

کتنی ہی زہر میں ڈوبی ہوئی رکھتی ہو زباں
پھر بھی وہ نازشِ گل غنچہ دہن ہوتی ہے

دل سا کھلونا ہاتھ آیا ہے
کھیلو ، توڑو ، جی بہلاؤ

یونہی وابستگی نہیں ہوتی
دور سے دوستی نہیں ہوتی

یوں نہ اُس دل کے مکیں سے ملیے
آسماں بن کے زمیں سے ملیے

بلآخر تھک ہار کے یارو ! ہم نے بھی تسلیم کیا ‫!
اپنی ذات سے عشق ہے سچا ، باقی سب افسانے ہیں

سود و زیاں کے بازاروں میں ڈھونڈ رہا تھا اپنا مول
بن بہروپ کسی نے قیمت دو کوڑی نہ لگائی

ڈوب جانے کی لذّتیں مت پوچھ
کون ایسے میں‌ پار اترا ہے