بلاگ کا تعارف (دوبارہ‫)

السلام علیکم ناظرین کرام ‫!

ایک غیر مقیم حیدرآبادی (دکنی) کے (نئے) اردو بلاگ پر آپ کو ’مکرر‘ خوش آمدید کہا جاتا ہے۔
تصویری اردو کے بجائے تحریری اردو (یونیکوڈ) میں حیدرآباد دکن سے یہ پہلا بلاگ ہے۔ اب اس دعوے پر جس کو اعتراض ہے ادباً عرض ہے کہ ای۔میل سے ہمیں مطلع فرما دیا جائے۔

ہم ایک دہے سے مشرقِ وسطیٰ میں قیام پذیر ہیں۔
اپنے وطن حیدرآباد دکن سے ہمارا رابطہ زیادہ تر حیدرآباد ہی کے اردو اخبارات کے ذریعے رہا ہے۔
اور انہی اخبارات کے حوالے سے اپنے تاثرات ، تبصرے اور خیالات و نظریات کی اشاعت کی خاطر اس بلاگ کا (دوبارہ) قیام عمل میں لایا گیا ہے۔

شاعرِ محبت اور بانیءحیدرآباد قلی قطب شاہ کا ایک مشہور مصرعہ ہے ‫:
میرا شہر لوگاں سے معمور کر

یہ بلاگ اسی مصرعے سے موسوم ہے۔
امید کہ ہمارے حیدرآبادی ساتھیوں کے ساتھ ساتھ دیگر احباب بھی اس بلاگ کو رونق بخشیں گے۔
بہت شکریہ۔

اِس تحریر کو پرنٹ کریں | Print this post